Гандлёва-эканамічнае супрацоўніцтва

Нігерыя на сённяшні дзень з'яўляецца найбуйнейшай эканомікай на Афрыканскім кантыненце па аб'ёме ВУП у абсалютным выразе, а таксама найбуйнейшай краінай па насельніцтве (182,2 млн. чалавек) і адной з найбагацейшых дзяржаў афрыканскага кантынента па прыродных рэсурсах.

Нігерыя таксама найбуйнейшы вытворца нафты ў Афрыцы і ўваходзіць у пяцёрку вядучых сусветных экспарцёраў звадкаванага прыроднага газу, што дазваляе ёй ўтрымліваць штогадовы прырост ВУП у сярэднім на ўзроўні 7%. У Эканамічнай супольнасці заходнеафрыканскай дзяржаў Нігерыя займае высокае становішча і з'яўляецца рухаючай сілай рэгіянальнай інтэграцыі ў Афрыцы. Таксама краіна нарошчвае гандаль з краінамі БРЫКС.

Асноўныя сектары эканомікі краіны падзелены наступным чынам: 28,7% ВУП сфармаваў прамысловы сектар, 15,7% — сельская гаспадарка, 55,6% — сфера паслуг.

Паліўна-энергетычны комплекс выступае лідэрам нігерыйскай эканомікі. На сённяшні дзень больш за 80% дзяржаўнага бюджэту фарміруецца за кошт нафтагазаздабыўнага сектара. Аднак, на фоне рэзкага падзення коштаў на нафту на сусветных рынках, назіраецца зніжэнне эканамічнага росту з-за недастаткова сфармаванай дыверсіфікаванай эканамічнай мадэлі.

Разам з гэтым улады краіны спрабуюць прыцягнуць замежныя інвестыцыі для вырашэння наспелых ўнутраных праблем, у сувязі з чым звяртаюцца да шматлікіх прэферэнцый у адміністратыўнай, падатковай, мытнай, прыватна-партнёрскай сферах, што робіць Нігерыю яшчэ больш прывабнай краінай для замежных інвестараў.

З пункту гледжання беларускай эканомікі Нігерыя з'яўляецца перспектыўным, хуткарослым і ёмістым рынкам збыту і стратэгічным гандлёва-эканамічным партнэрам на афрыканскім кантыненце.

Стабільнасць яе эканомікі, высокія тэмпы росту насельніцтва, а таксама ранні этап развіцця рынку прывялі да актыўнага ўмацавання пазіцый на міжнароднай эканамічнай арэне. Відавочна, што попыт на тавары і паслугі ўнутры краіны ў бліжэйшыя гады будзе расці. На такім фоне Рэспубліка Беларусь сістэмна і дынамічна падыходзіць да развіцця двухбаковага гандлёва-эканамічнага супрацоўніцтва з Нігерыяй.

Вялікай папулярнасцю ў Нігерыі працягваюць карыстацца беларускія трактары і грузавая аўтатэхніка. У некаторых рэгіёнах краіны беларускія трактары працуюць з 1980-х гадоў. Вядзецца праца па стварэнні на тэрыторыі Нігерыі станцый тэхнічнага абслугоўвання і складоў запасных частак ААТ «МТЗ». Прапрацоўваецца праект па стварэнні зборачнай вытворчасці беларускай трактарнай і аўтамабільнай тэхнікі. Мяркуецца, што прадукцыя ствараемай зборачнай вытворчасці, а таксама пастаўляныя гатовыя вырабы будуць рэалізоўвацца не толькі на ўнутраным рынку Нігерыі, але і на рынках бліжэйшых краін — Ганы, Сенегала, Кот-д`Івуара, Камеруна, Малі.

Дынаміка гандлю паміж Рэспублікай Беларусь
і Федэратыўнай Рэспублікай Нігерыя  (млн. долараў ЗША)

За 2021 год экспарт беларускіх тавараў у Нігерыю склаў 5,6 млн. долараў, тэмп — 88,2%. Асноўныя экспартныя пазіцыі: нафтапрадукты, калійныя ўгнаенні, кіслоты полікарбонавыя, друкаваная прадукцыя.

Імпарт склаўся на ўзроўні 2,2 млн. долараў, тэмп — 112,4%. Асноўная таварная пазіцыя — каўчук.