Аб сустрэчы Пасла В.Брыля з Дзяржаўным міністрам сельскай гаспадаркі і развіцця сельскіх раёнаў
28.10.2021 г.28.10.2021 адбылася сустрэча Пасла Беларусі ў Нігерыі В.Брыля з Дзяржаўным міністрам сельскай гаспадаркі і развіцця сельскіх раёнаў Нігерыі Мустафой Баба Шэхуры. У сустрэчы таксама прынялі ўдзел кіраўніцтва Нацыянальнага кааператыўнага таварыства па механізацыі сельскай гаспадаркі Нігерыі і прадстаўнік кампаніі “AFTRADE DMCC”.
У ходзе сустрэчы бакі абмеркавалі бягучыя праекты па механізацыі сельскай гаспадаркі Нігерыі, пытанні паставак у краіну сельскагаспадарчай тэхнікі беларускай вытворчасці.
Беларускі бок перадаў запрашэнне М.Б. Шэхуры наведаць Беларусь у зручны для яго час для азнаямлення з экспартным патэнцыялам яе аграпрамысловага комплексу.
