Гандлёва-эканамічнае супрацоўніцтва

Па ўзроўні эканамічнага развіцця Камерун займае адно з кіроўных месцаў у Цэнтральнай Афрыцы. Сацыяльна-эканамічная сітуацыя застаецца стабільнай. Залежнасць бюджэтных паступленняў ад вынікаў работы здабыўной прамысловасці працягваюць уплываць на эканоміку краіны.

Прагназуецца дадатная дынаміка тэмпаў росту эканомікі. У 2024 годзе ВУП склаў 54,4 млрд. долараў (1867 долараў на 1 жыхара) або 103,5% да ўзроўню 2023 года. З улікам росту сельскагаспадарчага і прамысловага сектараў ВУП Камеруна, ацэнка МВФ на 2025 год — 60,6 млрд. даляраў (103,7% да ўзроўню 2024 года). Структура ВУП: сфера паслуг — 52,2%, прамысловасць — 24,5%, сельская гаспадарка — 16,3%, іншыя галіны — 7%.

З пункту гледжання развіцця двухбаковых гандлёва-эканамічных адносін перспектыўным з'яўляецца супрацоўніцтва ў галіне сельскай гаспадаркі, у тым ліку пастаўкі ў Камерун сельскагаспадарчай тэхнікі, малочнай прадукцыі і мінеральных угнаенняў.

Беларускім прадпрыемствам прапануецца праводзіць больш актыўную маркетынгавую палітыку па прасоўванні сваёй прадукцыі на рынак Камеруна, прымаць удзел у міжнародных выставах, што праводзяцца ў краіне. Так, арганізацыя беларускай экспазіцыі ў рамках міжнародных выставак “SIALY” і “PROMOTE” (Яундзе, чэрвень) з правядзеннем тэматычных прэзентацый беларускіх прадпрыемстваў дазволіць зрабіць канкрэтныя практычныя крокі па ўваходжанні ў рынак Цэнтральнай Афрыкі.