Супрацоўніцтва ў галіне адукацыі

Даволі актыўна развіваецца беларуска-нігерыйскае супрацоўніцтва ў галіне адукацыі. З 1965 года ў Беларусі праходзілі навучанне нігерыйскія спецыялісты па наступных спецыяльнасцях: машынабудаванне, аўтатрактарная прамысловасць, архітэктура, электраэнергетыка, грамадзянскае будаўніцтва, металаапрацоўка, энергетычнае будаўніцтва, робататэхніка і іншыя.

Найбольшай папулярнасцю ў нігерыйскіх студэнтаў прадаўжае карыстацца адукацыя ў сферы медыцыны, тэхнічных навук, інфармацыйных тэхналогій, інжынернай справы, эканомікі, сельскай гаспадаркі.

У рамках паглыблення двухбаковага супрацоўніцтва ў сферы адукацыі ў снежні 2019 г. Міністэрствам адукацыі Рэспублікі Беларусь праведзены ў Нігерыі Дні беларускай адукацыі. У ходзе згаданага мерапрыемства адбылася сустрэча намесніка Міністра адукацыі Рудога С.У. з Міністрам адукацыі Нігерыі М. Адаму Адаму. Прадстаўнікамі беларускіх устаноў адукацыі праведзены прэзентацыі і выстава адукацыйных паслуг.

У студзені 2023 г. арганізаваны візіт у Рэспубліку Беларусь кіраўніка Нацыянальнага дырэктарата Нігерыі па пытаннях занятасці А.Фікпо. Нігерыйская дэлегацыя азнаёмілася з сістэмай беларускіх устаноў прафесійна-тэхнічнай адукацыі па падрыхтоўцы кадраў рабочых спецыяльнасцей.

25-29 верасня 2023 г. адбыўся візіт у Беларусь дэлегацыі Універсітэта Абуджы для правядзення перагавораў з кіраўніцтвам БНТУ і РІПА, падпісаны мемарандумы аб супрацоўніцтве.

Для грамадзян Нігерыі цікавасць навучанне за кошт грантаў Беларусі, перспектыўныя спецыяльнасці: лячэбная справа, тэхнічны сэрвіс у аграпрамысловым комплексе, тэхнічнае забеспячэнне вытворчасці сельскагаспадарчай прадукцыі, інфармацыйныя тэхналогіі. Першая група нігерыйцаў пачала навучанне ў беларускіх ВНУ.