Грамадзянства непаўналетніх дзяцей
Грамадзянства непаўналетніх дзяцей, народжаных у перыяд з 17 жніўня 2002 года да гэтага часу
У адпаведнасці з артыкулам 13 Закона Рэспублікі Беларусь ад 1 жнiўня 2002 года «Аб грамадзянстве Рэспублікі Беларусь» дзіця набывае грамадзянства Рэспублiкi Беларусь па нараджэнні незалежна ад месца нараджэння, калі на дзень нараджэння дзіцяці хоць бы адзін з яго бацькоў знаходзiцца ў грамадзянстве Рэспублікі Беларусь, незалежна ад месца нараджэння дзiцяцi.
Дадзенае становішча распаўсюджваецца на дзяцей, якія нарадзіліся пасля ўступлення ў сілу названага Закона (гэта значыць з 17 жніўня 2002 г.).
Калі дзіця — грамадзянін Рэспублікі Беларусь па нараджэнні з'яўляецца таксама грамадзянінам замежнай дзяржавы, то ў адпаведнасці з беларускім заканадаўствам аб грамадзянстве яго бацькі маюць права выбару: альбо захаваць за сваім дзіцем беларускае грамадзянства і аформіць для яго пашпарт грамадзяніна Рэспублікі Беларусь, альбо аформіць для дзіцяці страту беларускага грамадзянства (пасля рэгістрацыі страты беларускага грамадзянства дзіцем для яго ўезду ў Беларусь неабходна атрымліваць візу). Страта грамадзянства Рэспублікі Беларусь дзіцем ва ўзросце ад 14 да 18 гадоў дапускаецца толькі са згоды дзіцяці, выяўленага ў пісьмовай форме і натарыяльна засведчанага.
Афармленне пашпарта грамадзяніна Рэспублікі Беларусь або рэгістрацыя страты беларускага грамадзянства дзіцем, народжаным па-за межамі Рэспублікі Беларусь, адзін з бацькоў якога з'яўляецца замежным грамадзянінам, а другі — грамадзянінам Рэспублікі Беларусь, якія аформілі пастаяннае пражыванне за межамі Рэспублікі Беларусь, адносіцца да кампетэнцыі дыпламатычных прадстаўніцтваў і консульскіх устаноў Рэспублікі Беларусь.
Афармленне пашпарта грамадзяніна Рэспублікі Беларусь або рэгістрацыя страты беларускага грамадзянства дзіцем, адзін з бацькоў якога з'яўляецца замежным грамадзянінам, а другі — грамадзянінам Рэспублікі Беларусь, зарэгістраваным на тэрыторыі Рэспублікі Беларусь або выпісаным без афармлення пастаяннага пражывання за межамі Рэспублікі Беларусь (незалежна ад наяўнасці рэгістрацыі на тэрыторыi замежнай дзяржавы), адносіцца да кампетэнцыі органаў унутраных спраў Рэспублікі Беларусь па месцы рэгістрацыі.
Дыпламатычныя прадстаўніцтвы і консульскія ўстановы Рэспублікі Беларусь у такім выпадку для ўезду дзіцяці ў Беларусь афармляюць пасведчанне на вяртанне ў Рэспубліку Беларусь.
Віза дзіцяці ў пашпарт грамадзяніна замежнай дзяржавы ня прастаўляецца.
Парадак афармлення пашпарта грамадзяніна Рэспублікі Беларусь, рэгістрацыі страты грамадзянства Рэспублікі Беларусь і афармлення пасведчання на вяртанне ў Рэспубліку Беларусь растлумачаны ў адпаведных раздзелах рубрыкі «Візы і консульскія пытанні».
Грамадзянства непаўналетніх дзяцей, народжаных у перыяд з 12 лістапада 1991 года па 16 жніўня 2002 года ўключна
Дзіця з'яўляецца грамадзянінам Рэспублікі Беларусь па нараджэнні, калі на дзень нараджэння дзіцяці:
абодва бацькі малі грамадзянства Рэспублікі Беларусь;
дзіця нарадзілася на тэрыторыі Рэспублікі Беларусь і адзін з яго бацькоў знаходзіўся ў грамадзянстве Рэспублікі Беларусь;
адзін з бацькоў дзіцяці быў невядомы або не меў ніякага грамадзянства, а другі знаходзіўся ў грамадзянстве Рэспублікі Беларусь;
дзіця нарадзілася за межамі Рэспублікі Беларусь і адзін з яго бацькоў знаходзіўся ў грамадзянстве Рэспублікі Беларусь і пастаянна пражываў (быў прапісаны) у Рэспубліцы Беларусь альбо выпісаны без афармлення выезду на пастаяннае жыхарства за мяжу.
Калі на дзень уступлення ў сілу Закона Рэспублікі Беларусь ад 1 жнiўня 2002 года «Аб грамадзянстве Рэспублікі Беларусь» (17 жніўня 2002 году) з моманту нараджэння дзіцяці не ўзнікла абставінаў, якія прывялі да спыненне грамадзянства Рэспублікі Беларусь у дзіцяці і (або) яго бацькоў, то дзіця з'яўляецца грамадзянінам Рэспублікі Беларусь.
Калі дзіця народжаны за межамі Рэспублікі Беларусь, адзін з бацькоў яго з'яўляецца грамадзянінам Рэспублікі Беларусь і ўвесь час пражывае за мяжой (аформіў выезд на пастаяннае жыхарства за мяжу па беларускім заканадаўстве і стаіць на консульскім уліку ў Амбасадзе), то ў выпадку наяўнасці грамадзянства краіны пастаяннага пражывання, беларускае грамадзянства магло быць набыта ім па заяве абодвух бацькоў. Калі заявы не было, то такія дзеці з'яўляюцца толькі грамадзянамі краіны пастаяннага пражывання, у Рэспубліку Беларусь яны уязджаюць па візах.
